Avanse edition 4

6 Edishon No.4 Mart 2015 * Yega na tempu òf un tiki trempan * Tas ku maleta no ta bai riba mesa * Pone bo selular riba ‘silent’ * Sinta règt, no krusa brasa * No pone èlebog riba mesa * No lesa korant durante reunion * No kou bals * Mustra interes i pone atenshon * Usa lenguahe positivo, papia asertivo E forma cu nos ta pasa e periodo di Cuaresma a cam- bia. Hendenan riba 50 anja por corda con antes nos no tabata come nada dushi den Cuaresma. Na scol nos tabata haja un potchi unda nos tabata warda tur cos te ora cu Cuaresma pasa nos ta come nan. Cuaresma tabata un periodo di kietud, pa hende por refleha riba bida, morto y resureccion di Hesus. Awendia den Cuaresma tin tur sorto di actividad festivo y jen di desorden. Toch ainda tin hende cu ta mantene tradicion di nan mayornan y ta tuma Cuaresma como un periodo pa refleha riba bida. Y pakico no? Den e quietud di nos bida, den semana santa, ban pensa kico nos kier aporta pa un mundo mas felis. Si Hesus por a wak bo di un distancia, kico e lo pensa di bo bida? Bo bida ta djis un rosea den biento of bo kier ta un hilo den e tapijt di Dios? Huhhh? Di jong mi a pidi Dios pa duna mi contesta riba mi preguntanan di bida. Preguntanan cu ta bay na e esencia, e sentido di bida. Den tempo di Cuaresma mi sa tin momentonan profundo ora mi ta sinta den silencio y puntra mi mes dicon tin asina tanto sufrimento den mundo, tanten cu nos cada un ta un fuente di amor. Un fuente cu cada momento nos por usa como un herment pa juda un otro, pero tambe nos propio crecemento den bida. Hasiendo esaki nos ta juda diseña e ‘tapijt di Dios’, e projecto den cua nos cada un tin un rol, unda cada un di nos ta un hilo y mas… Y aki mi ta haja hopi pas, pasobra e ta aclarea e sentido di bida pa mi. Mi ta convenci cu niun hende ta biba por nada. Mi ta kere cu cada un di nos tin un rol den e destino y producto final di bida. Nos cada un ta parti di Creacion. Nos ta tambe un creador di e direccion den cua mundo ta bay. Esaki ta duna ami y abo un poder positivo y ta hasi nos conciente cu nos por scoge…. Scoge cada dia pa pone nos bida como un hilo cu ta juda soluciona e cosnan negativo cu ta tur rond di nos…cu un smile, cu un bon pensamento, cu un bon accion… Tur esaki ta podernan fantastico cu bida a regala nos, toch? Berdad nos ta nada mas cu un rosea cu biento ta hiba. Pero nunca sinti bo mes poco compara cu ‘otro hendenan’ mas importante cu bo of cu e mundo y universo asina mas grandi cu bo… Si abo y ami ta un hilo den e tapijt di Dios…con importante abo y ami ta direpente? Podise ta bon pa nos realisa cu no tin bida cu ta existi por nada…pa un eror di naturalesa…nos tur tin sentido y balor. Cu no ta den e ‘cosnan grandi’ e milager ta sinta, pero den e milagernan chiquito cu nos ‘cada un’ por hasi tur dia…dor di lanta mainta y dedica nos bida na ‘sirbi’ bida, ta positivo, pidi despensa pa e foutnan y dolornan di pasado. Podise nos por juda crea un miho mayan, dor di crea un miho ‘awe’ den cada momento cu nos ta biba, cu nos ta existi…Y si Hesus por wak mi for di un caminda den e cuaresma aki, mi lo spera cu e lo ta satisfecho cu loke e ta mira. Cuanto mi ta bal? Mes tanto cu e amor cu mi por duna. Scirbi pa Ingrid Werleman, editora di www.comprondiendobida.com y coach di bida sano Si Hesus por a wak bo di un distancia, kico e lo pensa di bo bida? Skibí pa Denise de Jongh-Rekwest, www.trainingconsultancy2000.com TEP DI ETIKET Kuantu di nos a yega di warda hopi den sala di espera? Anto warda hopi … Dikon? Kiko ta e motibu? Ta tene kuenta ku otro su tempu, otro su salú? Kiko por hasi na esaki? Hopi ta esnan ku ta reklamá, kon largu tin ku warda den sala di espera na dòkter, hòspital, laboratorio, spesialista, poli i otro instanshanan. Tin biaha bo ta pasa mitar dia ta warda. Anto tempu ta asina balioso. Maske ku bo tin sita, mayoria biaha, un persona tin ku warda hopi ratu promé ku su bùrt yega. Hopi hende ta eksperensiá esaki komo algu sumamente frustrante. Tin biaha tin pashènt ku ta sinti nan kurpa hopi malu. Pero asina mes nan tin ku sinta òf drumi riba e stul, warda den sala di espera. Kiko ta e motibu pa esaki? Tin diferente motibu. Tin ofisina ku ta traha riba produktividat i mester buk èkstra hende pa esnan ku no ta aparesé. Mayoria biaha ta pa motibu ku pashèntnan ta tuma hopi tempu di e dòkter òf spesialista. Nan ke 1 ora kompletu di atenshon kaminda ku a plania solamente 15 minüt pa e pashènt. Saka bo sòm anto por komprondé dikon mester warda hopi asina. E kos ta, ku tin pashènt ta bin ku un lista asina largu di tur loke nan ta sinti òf a sinti den e último añanan ku por dura asta 2 ora pa pasa dor di hinter e lista na moda di bisa. Tambe tin pashènt no ta prepará nan mes adelantá. Semper ta bon pa bo skirbi den bo agènda e puntonan ku bo ke trese dilanti pa kosnan kana mas lihé i pa bo no lubidá nada. Si lo bin kambio den warda hopi den futuro, mi no por bisa. Si nos tene kuenta ku otro, kisas si! Sí, tin diferente manera pa baha bo frustrashon. Manera purba di haña e promé sita, pa ta e promé òf di dos pashènt. Otro momentu ku sa ta hopi ketu ta den fakansi, durante karnaval, dianan di fiesta. Esaki naturalmente ora bo ke traha un sita pa chèkùp òf tuma resultado i no ora bo ta malu. E ora ei no tin modi hasi. Ta di bai mesora i sinta warda. Algun tep pa e pashènt por aliviá su mes den sala di espera: 1. Bai ku un bon buki òf revista pa lesa. 2. Bai ku wega manera soduko, sòpi palabra òf otro. 3. Bai ku awa i un snèk pa wanta stoma. 4. Tene un kòmbersashon ku e pashènt banda di bo. 5. Komuniká via bo “smartphone” ku bo amigunan. Aglun tep pa e dòkter, spesialista, hòspital, laboratorio: · Un resepshonista amabel i servisial pa yuda. · Un aparato di kòfi/ te/chukulati den sala di espera. · Lo ta bon pa tin mata bibu den ofisina/sala di espera pa purifiká e airu. · Sènitaizer den sala di espera. · Dekorá e sala di espera/ofisina ku kosnan di arte, poster interesante/ edukativo. · Un televishon. · Un bon variashon di revista. Ëksito ku e siguiente sita den sala di espera! DEN SALA DI ESPERA …! PA ORA DI REUNION

Avanse edition 4

Pages Overview