Avanse edition 4

2 Edishon No.4 Mart 2015 Palabra di editor Pa aviso, relato of notisia positivo por tuma kontakto ku redakshon via avanse@requestpublishing.com Apresiado lesadó, Nos ta den kuaresma. Iglesia katóliko a kuminsá ku preparashon pa Pasku. Kuaresma tin un durashon di 40 dia. El a kuminsá 18 di febrüari i ta terminá 29 di mart ku Djadumingu di Rama. Dikon 40 dia? E sifra akí ta simbolisá entre otro e 40 dianan ku Hesus a pasa den desierto. E koló litúrgiko asosiá ku e periodo akí ta lila, relashoná ku penitensia i sakrifisio. Ku eksepshon di e di kuater djadumingu, ku ta usa e koló ros i riba Djadumingu di Rama ta usa e koló kòrá ku referensha na e pashon di Señor. Kuaresma ta un tempu di entre otro renobashon, grasia, reflekshon, pordon, yunamentu i apstenensia. Ta e tempu tambe pa nos fortalesé nos bida spiritual, resa i yuda nos rumannan den nesesidat. Ta kosnan simpel, pero importante, komo ku esaki ta yuda nos kombertí den mihó hende. Mi ke rekomendá i referí na e artíkulonan mashá interesante ku tópikonan importante den e edishon akí di Avanse, dediká na e temporada akí. Nan ta skibí ku hopi amor i dedikashon dor di nos kolaboradónan. Ta un honor di a risibí un mensahe di su Ekselensia Monseñor Luis Secco, Obispu di Willemstad, pa por kompartí ku abo, lesadó. Denise de Jongh-Rekwest Dra. Fefi Castro a nase na Cuba. E la studia pa dòkter i tambe pa internista. Dra. Castro i su kasá Dr. G.Castro ta e dòkternan di kas di e bario di Rincon na Boneiru. Mas ku 350 mion hende na mundu ta sufri di depreshon, segun datonan di OMS (Organisashon Mundial di Salú). Esaki ta nifiká un 5 % di poblashon mundial. Debí na e kantidat di pashènt ku depreshon, por komprondé e síntomanan i por papia di e tema akí sin perhuisio, ta vi- tal pa e tratamentu. Kiko ta depreshon? Ora nos papia di depreshon, den konsepto médiko nos no ta referí na un simpel bahada di ánimo òf un simpel kebrante di kurpa, ku por ta transitorio. Nos ta referí na un kondishon médiko kaminda un hende por eksperensiá durante gran parti di dia i kasi tur dia: bahada di ánimo, difikultat pa eksperensiá plaser ku diferente kos ku ántes tabata agradabel p’e, falta di energia, motivashon i outoestima abou, ansiedat, pensamentu negativo, problema ku memoria, poko konsentrashon, kambio di apetit, problema pa drumi, idea di morto (hopi bia di su propio morto) i síntomanan fisiko manera doló di kabes, tenshon di spir, malestar di tripa idoló na diferente parti di kurpa sin kousa aparente. Tur esaki ta kondusí na un lentitut general, un sensashon di tristesa i un falta di fe pa futuro. Kousa di depreshon Depreshon ta un malesa ku faktor múltiple. Su kousa por ta: · g e n é t i k o (hereditario) · situashon di strès · estado di salú defisiente Ta importante pa señalá ku tur klaridat ku depreshon no ta un debilidat, flohera òf un problema di boluntat. Ta trata di un problema di funshonamentu di e selebre i un estado di inflamashon di henter e kurpa. Pa e motibunan akí mester di tratamentu médiko. Kon nos por trata Depreshon? Depreshon ta un malesa médiko. Esaki ta nifiká ku den mayoria kaso mester usa remedi ku efekto antidepresivo. Pa un bon resultado di e tratamentu, un relashon di konfiansa entre dòkter i pashènt ta hopi nesesario. E pashènt mester sinti ku e dòkter ta identifiká kompletamente ku e situashon i ku e tin tur disposishon pa yuda. E no mester ta un sikoterapista formal, ounke tin biaha mester konsultá un profeshonal sikólogo òf sikiater. Pa kuantu tempu uso di remedi ta nesesario? Tratamentu di depreshon tin tres fase. Promé fase, tambe konosí komo fase agudo, tin un durashon di 12 te ku 14 siman, loke ta nifiká ku e periodo di depreshon no por dura mas largu ku e tempu akí. Den e tempu akí e pashènt mester bai bèk na e estado di ánimo ku e tabatin promé ku e estado di depreshon. Si ku yudansa di dòkter i ku uso di remedi e pashènt no por sali di e depreshon, nos por konsiderá ku el a bai kai den un segundo fase. Segundo fase, konosí komo fase di kontinuashon tin un durashon di 5 te ku 6 luna. Aki e pashènt mester sigui ku uso di remedi di mes manera ku e tabata us’é den e promé fase. Despues di 6 luna, si e pashènt a logra rekuperá totalmente, ku kolaborashon i kòntròl apsoluto di e profeshonal médiko, e pashènt por stòp ku uso di remedi. Di tres fase ta e fase di mantenshon. Tin pashènt ku, debí ku e episodio di depreshon ta konsiderá komo grave, òf e tin historia di depreshon anterior, tin nesesidat di sigui ku uso di remedi pa añanan largu i asta pa henter su bida. Remedi ta nesesario pa por mantené un bida di kalidat i un bon funshonamentu gen- eral. Ki ora mester hospitalisá e pashènt ku depreshon? Mayoria biaha no tin mester di hospitalisá e pashènt ku depreshon, pasobra ta un malesa ku por trata di forma ambulante. Tin pashènt ku debí na gravedat di e kuadro, por tin mester di hospitalisashon. Por ehèmpel pashènt ku tin malesanan asosiá. Tambe ora e pashènt tin hopi indikashon di tin rísiko di suisidio (ke mata kurpa). Dikon e pashènt mester buska yudansa tempran? Tratamentu na tempu unabes ku e pashènt ta diagnostiká ku depreshon, por yuda pa e depreshon no empeorá. Hopi biaha e pashènt ku depreshon tin idea di suisidio i e pashènt ku no risibí tratamentu tempran tin mas riesgo pa mata su kurpa. Tratamentu ta yuda pa e persona por bolbe bira e persona ku e tabata promé ku e depreshon i alabes redusí e riesgo di por haña un episodio nobo di depreshon den futuro. Hopi investigashon médiko resiente ta konfirmá ku si trata un pashènt ku ta sufri di depreshon tempran, ta redusí e riesgo ku e ta sufri di demensia na edat di adulto mayó. DEPRESHONDEPRESHONDEPRESHONDEPRESHONDEPRESHON

Avanse edition 4

Pages Overview