Avanse edition 4

Bisdom Willemstad Julianaplein 5 Curaçao, Dutch Caribbean -Tel (599-9) 462-5876 Fax (599-9) 462-7437 • E-mail: bisdomwstad@gmail.com 3Edishon No.4 Mart 2015 AVANSE (ARUBA, BONEIRU, KÒRSOU) GRATIS! Request Publishing B.V. E-mail: avanse@requestpublishing.com Aviso: avanse@requestpublishing.com Tel: 5999-520-1838 Imprenta: Drukkerij De Stad Rumannan, E Mensahe di Kuaresma di papa Fransisko ta pidi nos vense e indiferensia pa medio di algun akshon konkreto i gestonan di karidat kristian. E ta pidi nos pone atenshon riba tres teksto di Beibel i tres lugá kaminda nos por ekspresá nos fe aktivo. 1.- “Si un parti di e kurpa ta sufri, tur sobrá tambe ta sufri” (1Kor 12,26) – Iglesia. 2.- “Unda bo ruman ta?” (Gen 4,9) – Parokia i komunidatnan. 3.- “Para firme” (Hak 5,8) – E persona kreyente - E promé gesto di karidat ta pa nos uni komo Iglesia, mirando loke ta sosedé rònt mundu: konfliktonan violento entre pueblonan pa motibunan étniko, polítiko i religioso. Laga nos “para firme” pasobra ta presisamente den momentunan difisil, ora forsanan negativo ta ataká nos, di paden i di pafo, ku e palabranan aki di fe i konfiansa mester sostene nos. Unda nos por buska nos forsa pa nos por ‘para firme’? Hesus a siña nos pa bati na porta. Keda bati riba dje, pone nos petishonnan, nos frustrashonnan, nos dolornan, nos speransa i nos gratitut su dilanti. Papa Fransisko ta pidi pa no lubidá e forsa di orashon di tantu hende. E ta rekordá nos e inisiativa di 24 ora pa Señor, pa uni ku henter Iglesia dianan 13 i 14 mart, komo ekspreshon di solidaridat ku tur esnan ku ta sufri guera i persekushon. Ademas di esaki, komo Diósesis, mi ta pidi pa kada parokia, komunidat i gruponan apostóliko organisá momentunan speshal di orashon, adorashon na Santísimo, Kaminda di Krus, Rosario di Miserikordia, etc... - E di dos aktividat ku Papa ta sugerí ta pa “nos por yuda ku gestonan di karidat, yegando sea na e personanan ku ta biba serka, komo na esnan ku ta biba leu... Kuaresma ta un tempu apropiá pa mustra interes pa e otro, ku un señal konkreto, ounke sea chikí, di nos partisipashon den e mesun humanidat”. Mi ta sugerí un akshon di Kuaresma pa yuda e famianan ku ta pasando nesesidat. Pastor i kolaboradornan parokial por konosé situashon di e famianan despues di realisá e bishita den bario i ofresé e famia den nesesidat e sosten spiritual i material ku ta mas urgente. - Den e di tres punto, Papa Fransisko ta hasi “un yamada pa kombershon, pasobra nesesidat di e ruman ta rekordá mi e fragilidat di mi bida, mi dependensia di Dios i di mi rumannan”. Riba esaki, mi ta invitá boso pa un enkuentro ku Señor den e Sakramentu di Konfeshon, e partisipashon na e Santa Eukaristia di tur djadumingu, i otro aktonan religioso ku por yuda nos eksperenshá e amor i miserikordia di Señor. Rumannan, laga nos kompartíetempudigrasiaaki pa medio di e diferente akto dikaridatkristian.MaraPasku di Resurekshon enkontrá nos kompletamenterenobápanos selebrá ku legria e viktoria di Kristu riba morto i piká. Ku Mama Maria guia nos tur riba ekamindaaki. Boso sirbidó den Hesus i Maria, Mgr. Luis A. Secco, sdb Obispu di Willemstad Monseñor Luis A. Secco ku mensahe pa Kuaresma ‘Laga nos kompartí e tempu di grasia aki pa medio di e diferente akto di karidat kristian’ Direktor/ Hefe di Redakshon Denise de Jongh-Rekwest Kolaboradó Bòi Antoin Rudy Domacasse Belkis Osepa Edson Pietersz Mirla van der Linde Fundashon Material pa Skol Progressive Air Solutions Arte Gráfiko / layout Edward Reyes Korekshon Papiamentu Rudy Domacasse Merly Augusta Gerica Felix For di aña 2005 Gouverneur J.R. Lauffer ta manda alumno pa kompetí na e Arte di Palabra. Arte di palabra ta un kompetensia Literario na papiamentu, pues alumnonan di skol avansá ta kompetí ku poesia òf kuenta sea original òf eksistente. Ultimo añanan tambe tin kompetensia di HAIKU. Den pasado nos tabata skohe/òf wak e alumno ku tin smak pa partisipá na Arte. Segun e añanan a transkurí nos a bin hasi kambio den e forma di skohe alumno i a hasi e esaki un proyekto. E proyekto ta enserá ku poesia ta parti di e programa (kuríkulo) di lès di literatura kaminda alumnonan ta haña teoria simpel di poesia pa despues nan skirbi un poesia i tambe deklamá nan propio poesia den klas. Na aña 2006, pues e biaha akí pa di 9 aña konsekutivo nos ta tene un Preselekshon na skol mes pa asina skohe e representantenan ku ta bai representá nos skol na e Kompetensia di Arte di Palabra. Alumnonan ku skor bon ta kompetí kontra otro den un situashon plenario kaminda tin un hurado ku tin konosementu di poesia i ta imparsial ta husga e p r e s e n t a s h o n n a n . Alumnonan ta skohe un título i ta usa nan fantasia pa traha nan propio poesia. E alumnonan ku kai den e selekshon i nan tin smak nos ta prepará pa bai representá nos skol na Kompetensia di Arte di palabra. E kompetensia a tuma lugá dia 13 di febrüari na Gouverneur J.R. Lauffer VSBO kombiná ku selebrashon Dia di Amor. Den pasado nos tabatin diferente invitado speshal ku ta entre otro eks- alumno ku a sali ganadó apsoluto, un gran yu di Kòrsou, eskritor i poeta sr. Frank Martinus-Arion. Kuerpo di hurado a hasi un tremendo trabou e aña aki atrobe i no ménos ku 13 alumno a klasifiká pa bai kompetí na e Kompetensia grandi di Arte di Palabra. Kordinadó di e proyekto ta dosente di Papiamentu na Gouverneur Lauffer yùfrou G. Sluis huntu ku un tremendo Komishon. Kompetensia di Poesia i Selebrashon Dia di Amor na Gouverneur J.R. Lauffer VSBO

Avanse edition 4

Pages Overview